Apple yasogeza mbele uzinduzi wa toleo jipya iPad
Share
Tweet
Copy Link
- Itazindua Oktoba badala ya Septemba.
- Lengo ni kupata muda wa kuboresha zaidi mfumo huo.
Watumiaji wa bidhaa za Apple ya Marekani watalazimika kusubiri hadi Oktoba mwaka huu wakati kampuni hiyo ikiboresha toleo jipya la tableti zake.
Awali Apple inayotengeneza simu aina ya iPhone ilipanga kufanya uzinduzi huo Sepetemba 2022 lakini imesema bado haijakamilisha taratibu za kuuboresha mfumo wa endeshi (IPadOS) katika tableti hizo.
Imesema inahitaji muda wa kutosha kufanya maboresho yatakoyoziwezesha tableti mpya kuwa na ufanisi wa kufanya kazi nyingi kwa wakati mmoja.
Kwa mujibu wa chombo cha habari cha Bloomberg, Apple inafanyia kazi kipengele kipya cha “stage manager” kilichopo kwenye tableti hizo.
Zinazohusiana;
- Jinsi ya kubaini kamera zilizofichwa kwenye nyumba ya kupanga, chumba cha hoteli
- Namna ya kupima ugonjwa wa rimoti kwa kamera ya simu
Kipengele hicho kitaruhusu watumiaji kuvinjari kwa urahisi na haraka wakati wanatumia kifaa hicho cha mawasiliano.
Kawaida kampuni hiyo hutoa mifumo mipya ya uendeshaji wa iPhone na iPad kwa wakati mmoja Septemba kila mwaka.
Hii ina maana kuwa iPadOS 16 haitatoka hadi Oktoba, mwezi mmoja baada ya kutolewa kwa mfumo mpya endeshi wa iPhone.
Inajumuisha ‘sasisho kubwa zaidi kuwahi kutokea’ kwa skrini iliyofungwa, ambayo hurahisisha kubadilisha picha za mandharinyuma na rangi na muundo wa fonti za onyesho.
