Zingatia haya unapotengeneza barakoa yako mwenyewe

December 17, 2021 12:34 pm · Rodgers Raphael

Share

Tweet

Copy Link

• Unatakiwa kutumia kitambaa sahihi kwani siyo kila kitambaa kitakulinda dhidi ya kirusi cha Corona.

Dar es Salaam. Buku buku za kulipa kila siku kununua barakoa kila siku huenda zimekuchosha. Na kununua barakoa huenda ikawa ni shida kutokana na kusahau au kutokuridhika na vitambaa vinavyotumika.

Uzuri ni kuwa, kutengeneza barakoa inahitaji ujuzi kidogo wa usonaji na unaweza kutengeneza barakoa yako hata kwa kutumia sindano ya mkono.

Kabla haujaamua kukaa mezani na kutengeneza barakoa yako, fahamu kuwa siyo vitambaa vyote vinafaa na siyo ilimradi umefunika mdomo na pua. 

Inaenda mbali zaidi na kuhakikisha kuwa barakoa hiyo ikutoshe na malighafi uliyotumia hayawezi kuruhusu virusi vipite.

Utumie malighafi gani? Ni pamoja na kitambaa kilichotengenezwa kwa malighafi ya pamba badala ya malighafi yanayovutika.