Uviko-19: Kutopata mabadiliko baada ya kuchanjwa haimaanishi umepata chanjo feki
Share
Tweet
Copy Link
- Wataalamu wasisitiza mabadiliko hutokea kwa namna tofauti kulingana na mhusika.
Dar es salaam. Chanjo ya Uviko-19 inaendelea kutolewa na mataifa mbalimbali duniani kama njia mojawapo ya kupambana na ugonjwa huo ambao umeathiri pakubwa shughuli za kijamii na kiuchumi duniani.
Siku za hivi karibuni kumeripotiwa kuwepo kwa uzushi kuwa wale ambao hawakupata mabadiliko ya kimwili mara baada ya kupata chanjo basi hawakuchanjwa chanjo halisi ya Uviko-19 bali ‘placebo’.
WHO kanda ya Afrika katika taarifa yake iliyochapishwa Septemba 29 kwa mfumo wa video katika mtandao wa Twitter imekanusha uzushi huo na kueleza kuwa ‘placebo’ hutumika tu wakati wa majaribio ya dawa au chanjo na hufanyika maabara pekee.
Soma zaidi:
Placebo ni nini
WHO imeeleza kuwa placebo ni dutu ambazo hutumika wakati wa kufanya majaribio ya dawa maabara. Husajiliwa na kufanana na dawa lakini hazina kemikali hai ndani yake.
“Dutu hizi hutumika maabara pekee chini ya uangalizi maalum na haziruhusiwi kutumika nje ya maabara,” inafafanua sehemu ya taarifa ya WHO.
Kutopata mabadiliko ya kimwili mara baada ya kupokea chanjo ya Uviko-19 haimaanishi kuwa umepokea chanjo feki au chanjo haifanyi kazi bali mabadiliko yanakuwa yanatokea katika namna nyingine.
Kwa mujibu wa Shirika la Afya ulimwenguni WHO hadi Octoba 6,2022 jumla ya chanjo bilioni 12.7 zimetolewa duniani kote huku watu bilioni 5.3 wakipata angalau dozi moja ya chanjo na watu bilioni 4.9 wakipata dozi kamili ya chanjo.
Latest
