Tanzania yazidi kupokea chanjo, waliochanjwa wakifikia asilimia 1.7 ya watu wote
Share
Tweet
Copy Link
- Dozi 499,590 za chanjo aina ya Pfizer zilipokelewa nchini Novemba 23
- Jumla ya watu 988,293 sawa na asimilia 1.7 ya idadi ya watu Tanzania wamemaliza chanjo ya Uviko-19
Dar es Salaam. Hatua ya Serikali ya Tanzania kupokea awamu ya tatu ya chanjo ya ugonjwa huo aina ya Pfizer dozi 499,590 kutoka Marekani kupitia mpango wa ‘COVAX Facility’ itaisadia katika kuendeleza mapambano dhidi ya ugonjwa wa Uviko-19 unaoendelea kusumbua mataifa mbalimbali ulimwenguni.Â
Dozi hizo zilipokelewa Novemba 23, 2021, ambazo zitakinga watu 249,795 kwa dozi mbili, zinatimiza jumla ya dozi milioni 4.3 za chanjo za Uviko-19 ambazo zimeshapokelewa nchini.
Ujio wa chanjo hiyo unazidi kuwapa fursa wananchi kuchagua chanjo wanayotaka kuchanja na kujikinga dhidi ya janga la Corona.Â
Hadi kufikia Novemba 11, 2021, jumla ya watu milioni 1.6 walikuwa wamepatiwa chanjo ya Uviko-19 nchini, ambapo kati ya hao watu 988,293 sawa na asilimia 1.7 ya watu wote nchini wamemaliza chanjo na kupata kinga kamili dhidi ya ugonjwa huo, kwa mujibu Wizara ya Afya, Maendeleo ya Jamii, Jinsia, Wazee na Watoto.Â
Hadi sasa mikoa inayoongoza kwa kutoa chanjo nchini ni pamoja na Dar es Salaam, Kilimanjaro,dodoma, Arusha, Mwanza, Ruvuma, Mbeya, Morogoro, Mtwara, na Kagera.
Hadi Novemba 24, jumla ya dozi bilioni 7.4 zimeshatolewa katika maeneo mbalimbali duniani kwa mujibu wa Shirika la Afya Duniani (WHO).
