Pauni ya Uingereza yaimarika dhidi ya Shilingi ya Tanzania

September 16, 2026 9:08 am · Fatuma Hussein

Share

Tweet

Copy Link

• Pauni ilikuwa karibu dola 1.3478, kiwango ambacho si mbali na bei yake ya chini ya wiki sita iliyofikiwa Jumatatu ya wiki hii.

Dar es Salaam. Viwango vya pauni ya Uingereza vimeonyesha mabadiliko tofauti katika benki za CRDB na NMB, huku CRDB ikipunguza kidogo bei zake na NMB kuongeza leo Septemba 16, 2026.

CRDB imenunua pauni moja kwa Sh3,417.17 na kuiuza kwa Sh3,717.17, kutoka Sh3,418.01 na Sh3,718.01 iliyotumika jana Jumanne. NMB, kwa upande wake, imenunua pauni kwa Sh3,355 na kuuza kwa Sh3,709, ikilinganishwa na Sh3,351 na Sh3,705.

Mabadiliko hayo yanakuja wakati pauni ikiwa chini ya shinikizo katika masoko ya kimataifa, huku dola ya Marekani ikiendelea kupata nguvu kutokana na matarajio ya ongezeko la viwango vya riba na uamuzi unaotarajiwa wa Benki Kuu ya Marekani (Fed).

Kwa mujibu Shirika la Kimataifa la Habari la Reuters pauni ilikuwa karibu dola 1.3478, kiwango ambacho si mbali na bei yake ya chini ya wiki sita iliyofikiwa Jumatatu ya wiki hii. Wakati huohuo, wafanyabiashara wanatazamia pia uamuzi wa Benki ya England kuhusu viwango vya riba.