Fukwe tano zisizo na kiingilio unazoweza kutembelea Dar
Share
Tweet
Copy Link
- Fukwe hizo ni pamoja na Ununio, Coco beach, Rungwe, Pweza na Barra beach
- Gharama pekee inayohitajika kutembelea fukwe hizi ni pesa ya chakula na vinywaji
- Ikiwa haupendi kelele na muingiliano wa watu ni vyema kutembelea wakati wa asubuhi aua siku za kazi.
Dar es Salaam. Wakati unatafakari mafanikio na changamoto ulizopitia mwaka 2022 na kupanga mipango ya mwaka 2023 ni vyema ukapata eneo tulivu lenye mazingira mazuri ya kukuwezesha kupanga mipango yako, ikiwemo ufukweni.
Najua utajuliza kuhusu gharama na mwingiliano wa watu ambao wakati mwingine unaweza kusababisha kukosekana kwa utulivu, usihofu zipo fukwe nyingi jijini hapa zisizo na kiingilio unazoweza kutembelea na kupata wakati mzuri wa kutafakari.
Kuhusu makelele na mwingiliano wa watu hilo usijali unachotakiwa kufanya ni kutafuta wakati mzuri wa kutembelea maeneo hayo ambao hakuna watu wengi.
“Kama unataka utulivu kwenye fukwe hii ni basi njoo asubuhi au mchana kunakuwa hakuna watu kabisa,”anasema Maulid Jamal mmiliki wa vibanda vyakutunzia nguo kwenye ufukwe wa Ununio jijini Dar es Salaam
Fukwe zilizoainishwa kwenye makala hii zinafaa pia kwa mapumziko na shughuli nyingine za kijifurahisha ikiwemo kuogelea, kupunga upepo, mazoezi ya viungo,matembezi ya ufukweni na michezo ya watoto.
Kinywaji pia kinaweza kuongeza nakshi kwenye mapumziko yakoukiwa ufukweni japo utatakiwa kulipia huuduma hiyo. Picha | Barra Beach/Instagram.
Ununio Beach
Fukwe hii inapatikana Ununio, jijini Dar Es Salaam mita chache kutoka kituo cha daladala cha Ununio
Sifa kuu ya fukwe hii ni mazingira masafi kwenye maeneo mengi ya wazi yanayotumiwa kwa kupumzika, burudani na michezo mbalimbali kama mpira na bembea kwa watoto
Eneo hilo lina migahawa yenye vyakula mbalimbali ikiwemo vyakula vya baharini (sea foods), burudani ya muziki kutoka kwa Dj’s au bendi zinazokuja kutumbuiza kwa ratiba walizojiwekea.
Kama unapenda huduma za ‘kishua’ yaani huduma za hadhi za juu, kwenye fukwe huyo pia kuna hoteli jirani ambayo pia hauhitaji kiingilio ila utalazimika kununua na vinywaji kutoka hapo.
Coco Beach
Hata kama ukiwa hulijui jiji la Dar es Salaam bila shaka umesikia kuhusu Coco Beach na sifa za mazingira mazuri yaliyopo kwenye eneo hili pamoja na chakula maarufu cha mihogo iliyochomwa au kukaangwa kwa ustadi ambayo mara nyingi huliwa kwa mishikaki au samaki.
Hata hivyo kuna aina nyingine nyingi za vyakula unavyoweza kuvipata kwenye vibanda na migahawa iliyopo pembezoni mwa fukwe hiyo.
Fukwe hiyo ipo kilomita 1.5 kutoka kituo cha mabasi Macho kilichopo Msasani,kutoka hapo unaweza ukapanda boda boda au bajaji ya kuchangia kwa Sh500.
Hakuna kiingilio cha kuingia kwenye fukwe hii, cha kufanya ni kutafuta tu eneo utakalo pumzika kati ya eneo kubwa la wazi liliopo,unaweza pia kufurahia mpira wa ufukweni au kupanda farasi ambaye unatakiwa kulipia huduma hiyo ikiwa utapendelea.
Zinazohusiana
-
Sehemu za kuwapeleka watoto sikukuu za mwisho wa mwaka
- Fanya haya kabla hujapanga safari ya mapumziko ya mwisho wa mwaka 2022
Rungwe beach
Rugwe beach ni mija ya maeneo mazuri unayoweza kuyatembelea bila kiingilio, gharama pekee unaweza kukutana nazo ni za vinywaji na vyakula vinavyopatikana eneo hilo.
Fukwe hiyo inayopatikana Kunduchi, mita 1.5 kutoka kituo chamabasi cha Silver Sand ni eneo zuri la kupunga upepo, kuogelea na michezo mingine mbalimbali inayopatikana hapo.
Ukiwa ufukwenii hapo unaweza kutazama kivutio cha mawe makubwa ya baharini (matumbawe) yaliyopangwa kwa ustadi kutenganisha eneo moja na lingine lakini pia ni makazi ya viumbe wadogo wa baharini kama kaa na samaki.
Bara beach
Hii ni moja kati ya fukwe za kishua unazoweza kutembelea kabla ya mwaka 2022 haujaisha,
Fukwe hiyo iliyopo Kilomita moja kutoka kituo cha mabasi Kondo, kilichopo Ununio jijini hapa, inasifika kwa ‘location kali’ namaanisha mazingira mazuri, tulivu na yanayovutia kwa picha nzuri na matukio ya muhimu kama sikukuu za kuzaliwa na sherehe nyingine.
Licha ya kiingilio kuwa bure ni lazima mfuko wako uwe vizuri ili kukuwezesha kupata chakula na vinywaji ambavyo nilazima ununue ndani ya eneo hilo.
Baada ya mizunguko ya mwaka mzima sehemu tulivu yenye mandari ya kuvutia ikiwemo ufukweni ndio mahali pekee panapoweza kutuliza akili yako na kukuwezesha kuwaza mawazo mapya. Picha | Pweza Beach.
Pweza Beach
Kwa wakazi wa Kigamboni na maeneo mengine jijini hapa hii ni oja ya fukwe nzuri ya kutembelea.
Fukwe hiyo iliyopo Kigamboni mita 10 tu kutoka barabara kuu inayoelekea Kibada, inasifika kwa usafi, safi, eneo kubwa la wazi lenye viwanja vinavyowezesha watu kucheza mpira wa ufukweni (beach soka) pamoja na michezo mbalimbali ya watoto.
Kwa wanaopenda muziki na Party hapa ndio penyewe kwani kuna muziki pamoja na bendi mbalimbali zinazokuja kutumbuiza. Kuhusu ulinzi fukwe hii imejipanga vya kutosha kuhakikisha usalama wa wakati wote mtu anapotembelea eneo hilo.
Habari hii imeandaliwa na Lucy Samson na Daudi Mbapani
Latest
