Dola ya Marekani yabaki tulivu dhidi ya Shilingi ya Tanzania

July 28, 2026 8:39 am · Fatuma Hussein

Share

Tweet

Copy Link

• Sarafu nyingine ikiwemo Yuan ya China zaendelea kuimarika Taratibu.

Dar es Salaam. Viwango vya ubadilishaji fedha vilivyotolewa leo Julai 28, 2026, vinaonesha kuwa Dola ya Marekani (USD) imeendelea kuwa na utulivu katika benki kuu mbili za kibiashara nchini, huku baadhi ya sarafu nyingine zikiendelea kuonesha mabadiliko madogo dhidi ya Shilingi ya Tanzania.

Kwa mujibu wa viwango vya Benki za CRDB na NMB, Dola ya Marekani leo imeendelea kuuzwa na kununuliwa kwa viwango vinavyofanana katika benki zote mbili. 

CRDB inanunua Dola kwa Sh2,600 na kuuza kwa Sh2,680, huku NMB nayo ikiwa na viwango hivyo hivyo vya Sh2,600 kwa ununuzi na Sh2,680 kwa uuzaji.

Hali hii inaonesha kuwa Dola imeendelea kuwa tulivu ukilinganisha na jana ambapo viwango vilikuwa sawa katika Benki ya CRDB, huku NMB ikiongezeka kwa Sh5 kutoka Sh2,595 hadi Sh2,600 kwa ununuzi na kutoka Sh2,675 hadi Sh2,680 kwa uuzaji.

Kwa ujumla, mwenendo wa leo unaonesha utulivu wa Dola ya Marekani, dhidi ya Shilingi ya Tanzania, huku tofauti za viwango kati ya CRDB na NMB zikiwa ndogo katika sarafu kuu zilizofuatiliwa.