Euro, Pauni zaimarika dhidi ya Shilingi ya Tanzania
Share
Tweet
Copy Link
- Sarafu nyingine zimeendelea kuwa tulivu dhidi ya shilingi ya Tanzania.
Dar es Salaam. Sarafu ya nchi za Umoja wa Ulaya (Euro), Pauni ya Uingereza (GBP) zimeonyesha kuimarika dhidi ya Shilingi ya Tanzania katika viwango vya ubadilishaji fedha vilivyotolewa leo Julai 15, 2026, huku Dola ya Marekani ikiendelea kubaki tulivu katika benki za CRDB na NMB.
Kwa mujibu wa viwango vya Benki ya CRDB, Euro imenunuliwa kwa Sh2,861.82 na kuuzwa kwa Sh3,161.82, kutoka Sh2,852.34 na Sh3,152.34 iliyotumika Juni 14, 2026 ikiwa ni ongezeko la Sh9.48 katika viwango vyote vya kununua.
Katika Benki ya NMB, Euro pia imeendelea kuimarika, ikinunuliwa kwa Sh2,879 kutoka Sh2,872 iliyotumika masaa 24 yaliopita, sawa na ongezeko la Sh7 huku kiwango cha kuuza kikipanda hadi Sh3,151 kutoka Sh3,144, ongezeko la Sh7.
Licha ya benki zote kuonyesha mwelekeo wa kuimarika kwa Euro, viwango vya NMB vinaendelea kuwa juu kidogo katika upande wa kununua, wakati CRDB ina kiwango cha juu zaidi cha kuuza.
Pauni ya Uingereza nayo imeendelea kuimarika katika benki zote mbili. Benki ya CRDB imenunua Pauni kwa Sh3,381.07 na kuiuza kwa Sh3,681.07, kutoka Sh3,369.64 na Sh3,669.64 jana ikiwa ni ongezeko la Sh11.43 katika viwango vyote.
Kwa upande wa NMB, Pauni imenunuliwa kwa Sh3,342, kutoka Sh3,337 huku kiwango cha kuuza kikiongezeka kutoka Sh3,682 hadi Sh3,688, ikiongezeka kwa Sh5 katika kiwango cha kununua na Sh6 katika kiwango cha kuuza.
Hata hivyo, CRDB inaendelea kutoa viwango vya juu zaidi vya Pauni ikilinganishwa na NMB.
Wakati Euro na Pauni zikionyesha ongezeko la thamani, Dola ya Marekani imeendelea kubaki tulivu katika benki zote mbili, ikisalia katika viwango vya Sh2,595 kwa kununuliwa na Sh2,675 kwa kuuzwa bila mabadiliko ikilinganishwa na jana.
Mwenendo wa leo unaonyesha kuwa, licha ya utulivu wa Dola ya Marekani, Euro na Pauni zimeendelea kuimarika dhidi ya Shilingi ya Tanzania hali inayoweza kuongeza gharama za miamala ya biashara, usafiri na malipo yanayofanywa kwa kutumia sarafu hizo.
