Snapchat kuwapa shavu tena watumiaji wake
Share
Tweet
Copy Link
- Itanza kuwalipa watu wenye wenye maudhui yanayoangaliwa na watu wengi.
- Malipo hayo yatatokana na matangazo kwenye maudhui ya watu.
- Ni njia rahisi kwa vijana kujipatia pesa.
Dar es Salaam. Huenda tatizo la ajira likapungua kadri siku zinavyoendelea kwani mitandao ya kijamii inafugulia fursa watumiaji wake kupata fedha kwa njia ya mtandao.
Kutoka Facebook, Instagram, Twitter, TikTok na sasa Snapchat ni mwendo wa watengeneza maudhui kupiga pesa mtandaoni. Inawezekanaje ukapata pesa kwa kuchapisha maudhui mtandaoni?
Snapchat, mtandao wa kijamii wa kupakia picha na video hivi karibuni umetangaza kuweka matangazo kwenye picha na video za watengeneza maudhui na kugawana nao fedha inayopatikana.
Kwa mujibu wa Shirika la Habari la The Verge, ili mtu anufaike na malipo hayo, Snapchat itazingatia mwenendo wa mtu kupakia maudhui pamoja na watu wanavyochangamana na maudhui au mambo anayoweka katika mtandao huo.
Siyo kwa wote
Ili kufikiwa na huduma hiyo, Snapchat imesema vipo vigezo vya kuzingatiwa. Kigezo cha kwanza ni kuwa, mtu anatakiwa kuwa mashughuli kwenye mtandao huo na mwenye wafuasi wengi.
Hiyo ni imani ya kuwa, endapo Snapchat itaweka matangazo kwenye stori za mtu, ni lazima tangazo litawafikie watu wengi zaidi.
Hatua hiyo imefikiwa na mtandao huo baada ya watu kupunguza muda wao kwenye programu tumishi (app) hiyo.
Soma zaidi
- Programu za mauzo zinazoweza kuwatoa wanamuziki wa Tanzania
- Wanafunzi vyuo vikuu waugeukia muziki kutoka kimaisha
- Rasmi: Apple kuisambaratissha iTune
Mkurugenzi Mtendaji wa Snapchat, Evan Spiegel amesema hivi karibuni, watu wamepunguza muda wao kwenye App ya Snapchat na badala yake wanatazama maudhui katika mtandao wa TikTok.
Snapchat haijaanza leo kutoa ofa kama hizo. Imeanza tangu mwaka 2020 ambapo ilitangaza kuanza kulipa watengeneza maudhui mtandaoni.
“Kwa mwaka 2021, Snapchat imelipa zaidi ya Sh578 bilioni kwa watoa maudhui,” imesomeka habari ya The Verge.
