Zifahamu chanjo za Uviko-19
Share
Tweet
Copy Link
- Miongoni mwa chanjo hizo ni Pfizer, Oxford-Astrazeneca, Mordena, Johnson & Johnson na Sinophram
- Chanjo za Uviko-19 zinasaidia kuimarisha kinga ya mwili ili kupambana na ugonjwa huo
- Baadhi ya nchi zinaendelea na tafiti za chanjo ya Uviko-19 mpya katika jitihada ya kupambana na virusi hivyo.
Dar Salaam. Baadhi ya nchi duniani zimeendelea na tafiti za kisayansi ili kutengeneza chanjo ambazo zitasaidia kupambana na virusi vya Corona (Uviko-19).
Septemba, 2022 China imekuwa nchi ya kwanza duniani kuzindua chanjo ambayo mtu hupuliziwa kwenye njia ya mfumo wa hewa (pua au mdomo) ili kupitisha kingamwili zitakazoweza kumkinga dhidi ya Uviko-19.
Kwa mujibu wa Shirika la Afya Dunia (WHO) baada ya mlipuko wa Uviko-19 mwaka 2020 lilioorodhesha chanjo ambazo zinaendelea kutumika nchi mbalimbali ili kupunguza kasi na makali ya ueneaji wa Uviko-19. Chanjo za Uviko-19 zilizothibitishwa na WHO:
1. Pfizer
Ni aina ya chanjo iliyotengenezwa na kampuni ya Kijerumani ya BioNTech. Chanjo hii huwa na dozi mbili ambapo mtu huchomwa dozi ya kwanza na mhudumu wa afya na kisha kumuandikia siku ya kwenda kuchomwa dozi ya pili. Ukamilishaji wa dozi zote mbili ni muhimu kwa kujenga kinga za mwili imara.
Soma zaidi:
- Je unakumbuka njia za kujikinga na Uviko-19?
- Watu zaidi ya milioni 1 kupata chanjo ya Uviko-19 Mwanza
2. Oxford-Astrazeneca
Chanjo hii ni miongoni mwa chanjo zilizothibitishwa ambapo wataalamu wa afya wanashauri mtu mwenye umri kuanzia 18 na kuendelea anaweza kuchoma chanjo hii. Kama baadhi ya chanjo zenye uhitaji wa kutoa dozi mbili basi na chanjo hii utapaswa kufanya hivyo.
3. Mordena
Ni chanjo iliyotengenezwa nchini Marekani ambayo mtu mwenye umri kuanzia 18 anaweza kuchoma ili kuweza kujikinga na Uviko-19. Mtu anapaswa kupata dozi mbili ili kukamilisha dozi kamili.
4. Johnson & Johnson
Ikiwa ni miongoni mwa chanjo iliyotengenezwa Marekani, mtu huchomwa dozi moja ya chanjo hiyo tofauti na chanjo nyingine ambazo humuhitaji mtu kurudi na kuchomwa dozi ya pili. Baadhi ya watu hupendelea chanjo hii kwa sababu anapochoma harudi tena kwa dozi ya pili.
5. Sinopharm
Hii ni chanjo iliyotengenezwa nchini China ambapo mtu anapaswa kuchoma dozi mbili ili kukamilisha dozi kamili. kufanya hivyo kunasiadia kutengeneza kinga imara mwilini ya kupambana na virusi vya corona.
Chanjo ina madhara? Hapana kwa sababu zimehakikiwa na wataalam wa afya kumkinga mtu dhidi ya Uviko-19.
Latest
