Lissu ahukumiwa miaka minne jela kwa kosa la uchochezi
November 6, 2026 1:22 pm ·
Waandishi Wetu
Share
Tweet
Copy Link
- Ni baada ya kusota siku 557 mahabusu akisubiri hukumu ya kesi ya uhaini.
Dar es Salaam/Arusha. Mwenyekiti wa Chama cha Demokrasia na Maendeleo (CHADEMA), Tundu Lissu, amehukumiwa kifungo cha miaka minne jela baada ya kukutwa na hatia ya kosa dogo la uchochezi katika kesi ya uhaini iliyokuwa ikimkabili.
Uamuzi huo umetolewa leo, Novemba 6, 2026, katika Mahakama Kuu ya Tanzania, Masjala Ndogo ya Dar es Salaam, na jopo la majaji watatu likiongozwa na Jaji Dunstan Ndunguru.
Awali, mahakama ilisema haijamkuta Lissu na hatia ya uhaini kwa kuwa upande wa mashtaka ulishindwa kuthibitisha kipengele muhimu cha nia ya kuitisha Serikali.
