The Markman: Filamu kwa ajili ya wikiendi yako
Share
Tweet
Copy Link
- Inamhusu mwanajeshi mstaafu ambaye anakiuka maadili kwa ajili ya kuokoa maisha.
- Kitendo hicho kinamponza kwani ameweka pua yake mahali isipostahili.
- Baada ya kuokoa maisha ya mtoto Miguel, usalama wake unabaki katika mikono yake.
Dar es Salaam. Kila kitu huwa sawa hadi pale “utakapoiweka pua yako mahala isipostahili” maneno hayo ni tafsiri ya nahau ya Kiingereza inayosema “sticking your nose where it doesnt belong” ambayo kwa maana nyingine ni kuingilia yasiyokuhusu.
Jim Hanson ni mwanajeshi mstaafu ambaye makazi yake yapo mpakani mwa Mexico na Arizona. Anachokifanya baada ya kustaafu, ni kutoa taarifa za watu wanaovuka mpaka huo kwa njia zisizo za halali.
Siku moja wakati akiwa kwenye zamu yake ya ulinzi, alikutana na mwanamama Rosa akiwa na mwanaye Miguel ambao walikuwa wakikimbizwa na genge la majambazi waliokuwa wakitaka kuyadai maisha ya wawili hao.
Hanson, hakutakiwa kuwaruhusu Rosa na mwanaye kuvuka mpaka huo lakini kwa kuingiwa na huruma, alianzisha majibizano na majambazi hao na kuwatorosha Rosa na Miguel.
Huruma yake, haigusi mioyo ya majambazi hao wanaoongozwa na Maurico.
Bahati mbaya ni kuwa, katika mashambulizi hayo, maisha ya Rosa yanafika tamati baada ya kipigwa risasi iliyoyadai maisha yake. Kwa Hanson, hana budi bali kuendelea kutafuta usalama wa kijana Miguel.
Soma zaidi;
- Unakutana na mpenzi wako kwa mara ya kwanza? Zingatia haya
- Jinsi ya wazazi wanavyoweza kuwasaidia wanafunzi kidato cha kwanza
- Zawadi za kielektroniki unazoweza kumpatia umpendae msimu wa sikukuu
Wanasema ukianzisha ugomvi wa mawe, hakikisha nyumba yako siyo ya vioo. Kwa Hanson ambaye ameanzisha ugomvi na Maurico, huenda akawa amefanya maamuzi mabaya ya maisha yake.
Mkasa huu unaendelea kupitia skrini za Century Cinemax huku kitendawili cha usalama wa maisha ya Miguel kikijibiwa kwa gharama ya Sh10,000 tu.
Unapenda simulizi za kusisimua zilizojaa “mkono” wa kutosha? fuatilia filamu hii ya The “Marksman” kama burudani ya wikiendi yako inayomleta mpambanaji Liam Neeson karibu na wewe.
