Gigachat: Mshindani mpya wa ChatGPT
Share
Tweet
Copy Link
- Inatarajiwa kuleta mapinduzi katika sekta ya benki.
- Imetengenezwa Urusi kwa kushirikiana na kampuni ya Microsoft.
Dar es Salaam. Benki kubwa zaidi ya Urusi, Sberbank mwanzo wa wiki hii imetangaza kuzindua programu tumishi ya GigaChat, chatbot inayoendeshwa na teknolojia ya akili bandia (AI) iliyoundwa kuleta mapinduzi ya huduma kwa wateja katika sekta ya benki.
Programu hiyo imeundwa kwa kushirikiana na kampuni ya Microsoft OpenAI na kufunzwa mahususi kwa lugha ya Kirusi.
GigaChat hutumia modeli ya lugha ya GPT-3 kutoa huduma binafsi za kibenki kwa ufanisi. Kwa sasa, inapatikana tu katika hali ya majaribio ya mwaliko pekee.
Hatua hii inatarajiwa kurahisisha shughuli mbalimbali kwa wateja wa benki, ikiwa ni pamoja na kuangalia salio la akaunti, kuhamisha fedha, kulipa bili, na kupanga miadi na wawakilishi wa benki.
Benki Kuu ya Urusi imefanya uwekezaji huu mkubwa katika teknolojia ikiwa ni juhudi za kupunguza utegemezi wa nchi hiyo katika utoaji wa huduma za kifedha na uagizaji wa bidhaa duniani.
Imeelezwa kuwa GigaChat ni moja ya “matunda” ya uwekezaji wake katika uwanda wa teknolojia ili kuvuka vikwazo vikali vya chi za Magharibi dhidi ya shughuli za Moscow nchini Ukraine.
Hatua hii ya Sberbank ni dalili ya wazi ya kuongezeka kwa umuhimu wa teknolojia ya AI katika ulimwengu wa biashara na uwezekano wake wa kubadilisha viwanda na kuboresha maisha ya watu duniani kote.
ChatGPT ni akili bandia/AI ambayo imejifunza mifano mingi ya taarifa/data ya maneno, hii imeifanya iweze kuelewa swali na kutoa majibu yenye asili kama ya binadamu.
Latest
