Alichokisema Raila Odinga baada ya mahakama kubariki ushindi wa Ruto

September 5, 2022 1:08 pm · Davis Matambo

Copy Link

Asema anaheshimu uamuzi huo lakini hakubaliani na maamuzi yake.
Awashukuru wafuasi wake, kutangaza anakavyoendeleza harakati za upinzani.
Rais mteule Ruto kuapishwa Septemba 13.

Dar es Salaam. Mgombea urais wa Muungano wa Azimio la Umoja One Kenya Raila Odinga amesema anaheshimu uamuzi wa leo wa Mahakama ya Juu uliobariki kuchaguliwa kwa William Ruto kuwa Rais wa Jamhuri ya Kenya.

Odinga katika taarifa yake iliyochapishwa katika ukurasa wake wa Twitter amesema mavazi ya Azimio yanasimamia sheria na zinaheshimu uamuzi wa mahakama kuu ingawa “hawakubaliani nayo vikali”.

“Siku zote tumesimamia utawala wa sheria na Katiba. Kuhusiana na hili, tunaheshimu maoni ya mahakama ingawa hatukubaliani vikali na uamuzi wao wa leo,” amesema Raila.

“Mawakili wetu walitoa ushahidi usiopingika na ukweli ulikuwa upande wetu, kwa bahati mbaya majaji waliona hivyo,” ameongeza Odinga.

Ikiongozwa na Jaji Mkuu Martha Koome, Mahakama ya Juu imepitisha kwa kauli moja kuchaguliwa kwa Rais mteule William Ruto katika Uchaguzi Mkuu uliofanyika Agosti 9 mwaka huu.

Katika uchaguzi huo Ruto alipata kura milioni milioni 7.17 sawa na asilimia 50.49 ya kura zote zilizopigwa huku mshindani wake Odinga akipata kura milioni 6.94.

Raila amesema ni “ajabu” kwa Mahakama ya Juu kutupilia mbali mapingamizi yote tisa waliyoibua na matokeo ya urais katika ombi lao.

“Tunaona ni jambo la kushangaza kwamba majaji walitupata kwa sababu zote tisa (9) na tukio lilisababisha lugha ya kuzidisha kukanusha madai yetu,” amesema.

Soma zaidi:

Kenya: Mahakama yabariki ushindi urais wa Ruto

Odinga amesema hukumu hiyo siyo mwisho kwa harakati zao na wataendelea kupigania maslahi mapana ya wananchi wa Kenya.

Amewashukuru wafuasi wake na kubainisha kuwa “tutawasiliana siku za usoni kuhusu mipango yetu ya kuendeleza mapambano ya uwazi, uwajibikaji na demokrasia.”

Martha Karua ambae alikuwa mgombea mwenza wa Odinga naye ameonesha kutokukubaliana na uamuzi huo wa mahakama kwa kusema “Mahakama imezungumza. Ninaheshimu lakini sikubaliani na matokeo.”