Zingatia haya kama una ndoto ya kumiliki kampuni ya teknolojia

August 5, 2019 1:19 pm · TULINAGWE ALSON

Copy Link

Weka mikakati na mipango inayotekelezeka huku ukiwa na shauku ya kufika mbali.
Katika kila hatua utakayopiga utakutana na changamoto.

Kuanzisha na kuendeleza kampuni inayochipukia (startup) ni mchakato unaohitaji muda na kujipanga vizuri ili kuhakikisha teknolojia iliyovumbuliwa kutoa huduma au bidhaa inakuwa na ufanisi wa kuleta mabadiliko kwenye jamii.

Mwanzilishi wa kampuni ya Growth Hackers, Jonathan Aufray, katika moja ya makala zake anaeleza mambo muhimu ya kuzingatia ili kuanzisha startup inayoweza kuwa na mafanikio makubwa katika kutoa huduma au bidhaa.

Moja ya msingi imara unaotakiwa kuwa nao ni utayari na shauku ya kufika mahali fulani kwa muda muafaka kwa sababu siyo kila wakati mambo yataenda katika mstari ulionyooka bali itafika wakati mambo yatakua magumu, hivyo moyo wa uvumilivu na juhudi ndiyo unasaidia katika nyakati hizo.

Soma zaidi:

Anasema kama muanzilishi unatakiwa uwe na mikakati itakayokusaidia au kukuongoza katika hatua mbalimbali za kuanzisha kampuni yako. Shughuli nyingi za ndani ya kampuni haziwezi kwenda bila mpango kazi au mikakati inayoundwa ili kuwezesha kampuni kuwa na mwanzo mzuri.

Unakiwa kutafuta washauri au watu waliowahi kuwa waanzilishi wa kampuni. Ni hatua nyingine ambayo inaweza kukusaidia ili mawazo mbalimbali yatakayopatikana kutoka kwao yawe sehemu ya uendeshaji wa kampuni.

Aufray anasema pia utakiwa kuzingatia ukuaji wa kampuni yako na kuweka akilini badala ya kusubiri kampuni iwe kubwa au ikue ndio uweze kuzingatia ukuaji wa kampuni. Kuanzia hatua ya awali fahamu wazi zipo changamoto zinazoweza kuibuka wakati ukiikuza kampuni yako.