Euro yaimarika dhidi ya Shilingi ya Tanzania leo Agosti 18, 2026
Share
Tweet
Copy Link
- Dola ya Marekani yaendelea kuimarika dhidi ya Shilingi ya Tanzania.
Dar es Salaam. Sarafu ya Umoja wa nchi za Ulaya (Euro) dhidi ya Shilingi ya Tanzania imeonyesha mabadiliko kiduchu baada ya viwango vya ubadilishaji katika benki za CRDB na NMB kuonesha ongezeko ikilinganishwa na jana, Agosti 17, 2026.
Kwa mujibu wa viwango vilivyooneshwa leo, Benki ya CRDB inanunua Euro kwa Sh2,920.29, kutoka Sh2,913.75 jana, ikiwa ni ongezeko la Sh6.54 kwa Euro moja kwa pande zote.
NMB nayo imeonesha ongezeko. Benki hiyo leo inanunua Euro kwa Sh2,922, ikilinganishwa na Sh2,915 jana, ongezeko la Sh7 kwa Euro moja. Katika upande wa kuuza, kiwango kimefika Sh3,196, kutoka Sh3,188 jana, sawa na ongezeko la Sh8.
CRDB na NMB zatofautiana
Ingawa benki zote mbili zimeongeza viwango vya Euro, kiwango cha ongezeko hakikuwa sawa. NMB imeongeza bei ya kununua kwa Sh7 na bei ya kuuza kwa Sh8, huku CRDB ikiongeza Sh6.54 katika bei zote mbili.
Hivyo, kwa mtu anayekwenda kununua Euro leo, NMB inauza Euro kwa Sh3,196, ambayo ni Sh24.29 chini ya CRDB inayouza kwa Sh3,220.29.
Kwa upande mwingine, mtu anayekwenda kuuza Euro kwa benki, CRDB inatoa Sh2,920.29 kwa Euro moja, wakati NMB inatoa Sh2,922 tofauti ya Sh1.71 kwa Euro moja.
