Trace Together: App iliyobuniwa kupambana na Corona
Share
Tweet
Copy Link
Muonekano wa app wa TraceTogether inayosaidia kupata taarifa za corona. Picha|Mtandao.
- Imezindua programu tumishi ya simu (app) itakayowezesha Serikali kuwafuatilia na kuwatambua watu waliokaribiana na wagonjwa wa maradhi ya COVID-19 kama moja ya juhudi za kukabiliana na kusambaa kwa virusi vya corona.
Wakati wanasayansi duniani wakiendelea kutafuta tiba na chanjo ya ugonjwa virusi vya Corona (COVID-19), wabunifu nao wanabuni mifumo ya kidijitali itakayosaidia kuongeza ufanisi wa tahadhari za kujikinga na ugonjwa huo unaosambaa kwa kasi duniani.
Nchi ya Singapore imezindua programu tumishi ya simu (app) itakayowezesha Serikali kuwafuatilia na kuwatambua watu waliokaribiana na wagonjwa wa maradhi ya COVID-19 kama moja ya juhudi za kukabiliana na kusambaa kwa virusi vya corona.
App hiyo iliyopewa jina la TraceTogether app, ilizinduliwa jana (Machi 20, 2020) na shirika la teknolojia la serikali ya Singapore la GovTech kwa kushirikiana na wizara ya afya ambapo inaweza kupakuliwa na wananchi wa Singapore wenye namba za simu na simu janja zenye “Bluetooth”.
App hiyo itakuwa inabadilishana taarifa za watu wanaopishana barabarani kwa umbali usiozidi mita mbili kupitia bluetooth ili kutambua taarifa za mtu mwingine.
Soma zaidi:
- WhatsApp inavyowabeba wajasiriamali Tanzania
- Wadau mtandaoni watoa neno WhatsApp kudhibiti habari za uongo
- Apps za elimu zinazoweza kuwaelimisha watoto wadogo kabla ya kwenda shule
Rekodi zao zitatunzwa kwenye app iliyoko kwenye simu na hazitatumwa kwa mamlaka husika.
Watumiaji watatakiwa kutuma taarifa zao ikiwa wataombwa na Wizara ya Afya ikiwa ni sehemu ya uchunguzi wa kufuatilia ukaribu wa watu. Ikiwa mtu atakataa kubadilishana taarifa na wizara anaweza kushitakiwa chini ya Sheria ya Magonjwa ya Yanayoambukiza ya nchi hiyo.
Ingawa hakuna atakayelazimishwa kuwa na app hiyo, Serikali imesema itawahamasisha watu kuwa nayo.
