Soko la fedha za kigeni labaki tulivu Julai 9,2026
Share
Tweet
Copy Link
- Shilingi imeonyesha mabadiliko mseto huku dola ya Marekani ikibaki kwenye kiwango kilekile katika benki za CRDB na NMB.
Dar es Salaam. Shilingi ya Tanzania imeonyesha mabadiliko ya viwango vya kubadili fedha kwa mwelekeo mseto ndani ya siku moja huku dola ya Marekani ikibaki kwenye kiwango kilekile katika benki za CRDB na NMB.
Takwimu za viwango vya ubadilishaji fedha vilivyochapishwa katika benki za CRDB na NMB zinaonyesha leo Julai 9,2026 dola ya Marekani imeendelea kununuliwa kwa Sh2,590 na kuuuza kwa Sh2,670.
Hali hiyo inaashiria utulivu wa shilingi dhidi ya sarafu hiyo muhimu zaidi katika biashara ya kimataifa ambapo wafanyabiashara wataendelea kuagiza bidhaa na huduma kwa kiwango sawa na jana.
Hata hivyo, picha ni tofauti kwa sarafu nyingine.
Kwa upande wa Euro, shilingi imeonyesha kuimarika kidogo leo ikilinganishwa na jana ambapo katika benki ya CRDB, kiwango cha kununua kimeshuka kutoka Sh2,847.67 jana hadi Sh2,844.7 leo, huku kiwango cha kuuza kikishuka kutoka Sh3,147.67 hadi Sh3,144.7.
NMB nayo imeonyesha mwelekeo huohuo, ambapo kiwango cha kununua kimeshuka kutoka Sh2,865 hadi Sh2,859, na cha kuuza kutoka Sh3,137 hadi Sh3,132.
Kushuka kwa viwango hivi humaanisha mnunuzi wa Euro anahitaji shilingi chache zaidi leo kuliko jana.
Kwa upande wa sarafu za kikanda, Shilingi ya Kenya imeonyesha mabadiliko madogo yenye mwelekeo tofauti baina ya benki hizo mbili ambapo imepungua kwa senti moja kuliko jana katika benki ya CRDB na kuongezeka kiduchu katika benki ya NMB.
