“Da 5 Bloods”: Filamu itakayokufundisha maana halisi ya uzalendo
Share
Tweet
Copy Link
- Ni filamu inayohusu wapiganaji wa vita wanne waliompoteza rafiki yao kipindi cha vita ya Marekani na Vietnam.
- Wanaanza safari ya kutafuta mabaki ya mwili wa rafiki yao baada ya miongo mingi kupita.
- Siyo rafiki yao tu, na shehena ya dhahabu ambayo waliificha enzi za vita.
Dar es Salaam. Huwa unapata hisia gani pale unaposikia neno uzalendo? Usiniambie ni sualala kuipenda nchi yako kwa maneno.
Mbali na maana yake uliyoisoma katika somo la uraia, utaongezea maana nyingine kupitia filamu hii ya “Da 5 Bloods” ambayo unaweza kuitaza katika mtandao wa Netflix.
Wapiganaji wanne wa vita wanaungana kuanza safari ya kurudi katika uwanja wa mapambano miongo mingi baada ya vita waliyopigana baina ya Marekani na Vietnam.
Lengo kubwa ni kutafuta mabaki ya kiongozi wao wa vita, Chadwick Boseman (Black Panther) ambaye kwa mujibu wao ni “mwanajeshi bora kuwahi kukanyaga uso wa dunia.”
Wapiganaji hao Paul (Delroy Lindo), Otis (Clarke Peters), Eddie (Norm Lewis) na (Isiah Whitlock Jr) wanalazimika kukabiliana na vihunzi vya kimazingira na vya binadamu kutafuta mwili wa rafiki yao na shehena ya dhahabu ambazo Boseman aliwasihi kuzificha ili zinufaishe watu ambao watoto wao walikufa vitani.
Zinazohusiana
- Jifunze nguvu ya familia katika filamu ya “Coffee and Kareem”
- Hapa ndipo uhalifu unapowaunganisha wapendanao
- Unatafuta filamu ya wikiendi? Confidential Spenser inakusubiri
Andaa mbavu zako kufurahia visa huku tishu yako ikiwa tayari kufuta machozi pale mambo yanapoenda kombo katika filamu hiyo.
Watazipata dhahabu hizo? Watayapata mabaki ya mwili wa kiongozi na rafiki yao? Ni wewe wa kujibu hayo kwa kuitazama filamu hii kupitia mtandao wa Netflix endapo umelipia kifurushi chako.
Wiki ijayo kuna nini?usicheze mbali na ukurasa huu.
