Project Power: Filamu mpya ya Netflix itakayoingia sokoni Agosti 14
Share
Tweet
Copy Link
- Ni filamu inayohusu kampuni inayotengeneza vidonge vya kuwapatia watumiaji wake nguvu za dakika tano.
- Art na wenzake wanaungana kupambana na kampuni hiyo ambayo vidonge vyake vinawapatia watu nguvu ya kufanya uhalifu.
- Wewe ungefanyaje iwapo leo utapewa kidonge cha kukufanya usionekane kwa dakika tano?
Dar es Salaam. Kama wewe umewahi kutazama filamu za kufikirika ulipokuwa mdogo, basi kuna filamu ambazo zilikupatia msisimko fulani na huenda zilikupa hisia za kujiona una nguvu ya ajabu kama walizonazo waigizaji wa filamu ulizoziona.
Wapo waliotamani kuwa “Batman” na wengine “Superman” na hata “Spider man” huku baadhi ya wanawake wakitamani kuwa “Wonder woman” ama “Cat woman”.
Endapo leo hii atatokea mtu na kukueleza kuwa ana kidonge ambacho ukikimeza, kinakupa nguvu mbadala kwa dakika tano, wewe ungependa upate nguvu ipi?
Hiyo ndiyo hali iliyopo kwenye filamu ya “Project Power” ambayo inatarajiwa kutimba kwenye mtandao wa Netflix ifikapo Agosti 14 mwaka huu.
Ukitumia kidonge hicho, hata risasi inaweza isipiteilimradi tu iwe ndani ya dakika tano. Picha| Looper.
Tulia, ipo hivi
Art (Jamie Foxx) anaungana na polisi kukiwinda kikundi ambacho kinatengeneza vidonge vinavyowapatia watu dakika tano za kuwa na nguvu mbadala.
Siyo kutunisha misuli, La hasha!, naongelea nguvu za kutokuonekana, nguvu za kupiga ngumi za maana na nguvu za kasi ya ajabu.
Zinazohusiana
- Filamu ya Fatal Affair: Kiboko kwa wachepukaji
- “Desperados”: filamu mahususi kwa wanaoteswa na mapenzi
- Unataka kufahamu ukomo wa huruma yako? Tazama filamu ya “1917”
Hata hivyo, safari ya Art siyo kuwatafuta watengenezaji wa dawa hiyo pekee bali kumuokoa mtoto wake ambaye ametekwa na wahalifu hao.
Hapo ndipo anaungana na Frank (Joseph Gordon-Levitt) pamoja na mwanadada Robin (Dominique Fishback) kukamilisha mawindo yao.
Je wataweza kuwakabili watu walioshiba vidonge vya kuongeza nguvu huku wengine wakiwa na uwezo wa kutema moto?
Kama umelipia kifurushi chako, Fuatilia filamu hii itokapotoka na ujionee mkono unavyochapwa baina ya nguli wa filamu na nyota wengine wakiwemo Newt (Machine Gun Kelly), Biggie (Rodrigo Santoro) na mwana mieleleka Luke Hawx (Oren Hawxhurst).
