Euro yaendelea kushuka, Dola yabaki tulivu Juni 23
Share
Tweet
Copy Link
Dar es Salaam. Sarafu ya Umoja wa Ulaya (Euro) imeendelea kupungua thamani katika soko la fedha za kigeni nchini leo Juni 23, 2026 huku viwango hivyo vikionyesha kushuka katika benki za CRDB na NMB ikilinganishwa na jana.
Katika Benki ya CRDB, Euro leo inanunuliwa kwa Sh2,853.16 kutoka Sh2,859.47 jana, na kuuzwa kwa Sh3,153.16 kutoka Sh3,159.47 ikiwa ni punguzo la Sh6.31 kwa bei ya kununua na kuuza, sawa na takribani asilimia 0.22.
Nayo Benki ya NMB leo inanunua Euro kwa Sh2,864 ikilinganishwa na Sh2,878 jana, huku bei ya kuuza ikishuka kutoka Sh 3,151 hadi Sh 3,136 ikiwa ni punguzo la Sh14 kwa bei ya kununua na Sh15 kwa bei ya kuuza.
Wakati Euro ikiendelea kushuka, Dola ya Marekani imeendelea kuwa tulivu hali inayoashiria utulivu wa mahitaji ya sarafu hiyo katika soko la fedha za kigeni nchini.
Mwenendo wa siku za hivi karibuni unaonyesha Euro ikiendelea kupoteza nguvu kidogo dhidi ya Shilingi ya Tanzania, huku Dola ya Marekani ikiendelea kubaki katika viwango vya kawaida vya biashara.
